Krysttiid am See (Kerst am See)

Gearfetting:

It houlik fan Emiel en Irma is net mear wat it west hat. Om wer wat tichter byinoar te kommen boekt Emiel in wykje yn pensjon Bergblick, in rustyk pensjon heech  yn ’e Eastenrykse Alpen. De hoop op in romantyske wike ferfljocht al gau as der in warskôging foar in lawine jûn wurdt dy’t it sin fan Irma aardich bedjert. Irma slacht de warskôging yn ’e wyn en ferlit it pensjon, op syk nei in fatsoenlik krystdiner. As fuort dêrnei in lawine nei ûnderen komt en it skyhok fan it pensjon tsjin ’e flakte giet, is elkenien yn it ûnwisse oer it lot fan Irma.

Mar Trees, de eigeneresse fan it pensjon, sjocht ek in ljochtpuntsje: mei it fersekeringsjild kin se einlings de wellnessfasiliteit bouwe dy’t har ferstoarne man Manfred graach ha wollen hie. Wylst Trees de  fersekeringspapieren siket, fantasearret it personiel fan it pensjon lûdop oer oare leuke dingen dy’t se mei it jild fan it pensjon dwaan kinne. Underwilens krijt Emiel wol in hiele soad oandacht fan skylearaar Mark-Jan en hopet keamerfamke Marga dat de stoere Bergretter Günther har stean sjocht.

Koarte teaser

As drok besette manager is Irma ta oan in wykje ûntspanning yn ’e snie. Har man boekt in rustyk pensjon heech yn ’e Eastenrykse Alpen. Mar de majestueuze bergen blike wat oars te bringen as in wykje rêst en romte.

Rollen: 5 froulju en 3 manlju