Alle omtinken oan dekmantel (Alle hens aan dekmantel)

Koarte omskriuwing:

Gjin húskeamer of kafee, mar it dek fan in lyts krûsskip as poadium. Yn de earste útkomst komme de gasten by de boat (Rotterdam) en geane oer in gongbarte op it skip. Yn de twadde en tredde útkomst is de boat oan`t farren en komt oan it ein oan yn St Lucia. De reis duorret sa`n fjirtjin dagen.

It personiel bestiet út de kaptein, Eddie Wolkenveld en syn personiel Sipke ( mei pappegaai: Mynhear Riko hy is op in oare reis op boat kommen yn`e omjouwing fan Puorto Rico), Femke en de nijling Josje. Hja fersoargje de gasten en soargje dat alles yn kalk en semint komt. De krûsmanager is net sichtber ( mar wol te hearren troch de lûdsprekker ) , mar is tidens de reis yn har kantoar op`e boat en jout dêrút oarders oan har personiel. By it skypjen wachtet de kaptein fergees op de skipsdokter. It blykt dat de dokter mei in brief witte litten hat dat hy fuortendaliks maaie nommen nimt en dus net mei giet op dizze reis. Dizze brief is lykwols by de boatsjonge Sipke lizzen bleaun. De kaptein stiet no foar in grut probleem, want sûnder dokter mei der net fart wurde en as der net fart wurdt, krije hja gjin lean. En jild hat de kaptein driuwend nedich. Út need betinkt hy in fiktive skipsdokter ( dokter Simon), syn saneamde twillingbroer út Australië mei snoar. Dokter Simon kriget in relaasje mei de bloedmoaie, mar naïve Josje. De kaptein hat sels krekt in relaasje mei Femke, in fanke dat drege wurden en rymkes betink om op te fallen by de kaptein. Mei de dûbelrol kin de kaptein ûnbehindere frjemd gean ( tinkt hysels)

Der komme frjemde gasten op it skip. Sa is der Joep fan Trillingen mei syn persoanlike ferpleechster út it Eastblok, suster Olga. Joep is dokter yn`e rêst, tiger ferjitlik, rint mei in stok en hat de lêste tiid lêst fan waantinkbylden. Hy ferklaaid him dan as in oar personaazje en is fan oertsjûge dat hy dy persoan is. Tidens dizze reis sil hy him bygelyks foardwaan as; Prins Bernhard en Napoleon. Suster Olga is in ferpleechster mei in hurde hân en in grutte spuit. Dochs spilet se de rollen fan Joep mei, om him net yn`e war te bringen.

Muoike Wonnie Anjoemara is in gesellige Surinaamske, dy`t mei dizze krûs weromgiet nei Suriname om dêr te befallen fan har earste poppe. Hja soarget foar in soad gesellichheid en ûntspanning op it skip en besiket mei har Surinaamske útspraken en wiisheden eltsenien fan de krekt advys te foarsjen. Tidens de reis kriget se te betiid lêst fan fleagen en de befalling sit der oan te kommen. Hoe rint dat ôf? Ek wurdt muoike Wonnie bestellen.

Frelle Rosalinda fan Lichtenvoorde ta Nachtenzande is in tutteblei fan it slimste soart. Hja docht har foar as tige ryk en hat oerla lêst fan, in grutte krimmenearder, Hja eamelt en kleit de hiele reis, de oare ergerje harren blau oan har. Har poes Dorothea sit de hiele reis rêstich by har op skoat of yn har reiskuorke. Nimmen mei tichtby komme. Tidens de reis ferdwine kostbere juwielen fan har. Wa is de dief?

Annechien en Hillechien Veeringa binne de lokkige winners fan in puzzel út de Lindsa en hawwe harren dizze krûs wûn. Hja binne twa boeregretskes út Drinte dy`t noch nea earder op sa`n lúkse boat west binne. In tochtsje mei de boat nei Skiermûntseach is noch de ienichste seereis dy`t se ea makke hawwe. Beide froulju binne al op jierren en binne susters. Annechien is blyn en rint mei liedstok mei in wol hiel wichtige ynhâld. Hillechien fersoarget har suster en lit har net in tel allinnich.

As lêste is der ek noch in weikrûper oan boat, de swalker Koos. Hy is in prototype fize man en in oplichter. Hy glûpt stikem op it skip, mar wurdt fansels op in stuit ûntdutsen. Om doch op it skip bliuwe te kinnen, betinkt hy in saneamde besmetlike sykte de; Ara Malaria. Mank mei in soad plakken yn it antlit ( giel en blau). Hy besmet stikem ek oare sliepende gasten, sadat it om in echte sykte lykje moat De boat komt hjirtroch yn karantêne, nimmen mei mear oan boat of der ôf. Hjirtroch kin de weikrûper dus gewoan op it skip bliuwe. As muoike Wonnie dan befalle moat en gasten besmet reitsje mei de Ara Malaria is it foar de sabeare dokter Simon tige lêstich om yn syn rol te bliuwen. En is de dûbelrol noch wol fol te hâlden mei de twa easkjende en fereale froulju om him hinne? Is de frelle wol sa ryk as se har foardocht? Wat hawwe de susters Veeringa yn`t sin en is Annechien wol echt blyn of rydt se eltsenien foar de kroade? Wat sit der dochs yn de liedstok en wa is de dief op it skip? Is de swalker in âlde bekende fan immen? En sil de pappegaai fan Sipke einlik prate? Allegear fragen wêr yn dit blijspul in andert op jûn wurde sil.