Bêd en Brochje (Bed en Broodje)

Harm Walberg             – eigener Bêd en Brochje        ( 45-55)

Roos Walberg             – syn dochter                           ( 20-30)

Joris Akkerman            – buorman                               ( 45-55)

Henny schipper            – gast                                       ( 40-50)

Gré Visser                   – gast                                       ( 60+   )

Guus Visser                – har soan                                ( 30-35)

Cora Mansfeld             – gast                                       (40-50)

Pim                             – har soan                                ( 20-30)

Jacky Postma              – eskorte dame                        ( 35-45)

De sifers tusken heakjes jouwe de âldens oan.

Koarte omskriuwing:

By Bêd en Brochje Walberg komme de gasten ien foar ien der yn. Gré Visser en har soan Guus, Cora Mansfeld en har soan Pim en Henny schipper. Cora Mansfeld komt inkeld en allinne foar har rêst, alhoewol se bang is dêr mei har net bysûnder byderhante soan, net oan ta komme sil. Roos Walberg, de dochter fan Bêd en Brochje eigener Harm Walberg, hat foar har heit in “ bline date”, regele.

De “bline date “ is al ûnderweis en Harm wit fan neat.

Gré hat, sûnder dat har soan derfan op`e hichte is, foar him in houliksadvertinsje setten en hat mei dy frou, dy`t reagearre hat, ôfpraat by Bêd en Brochje Walberg.

Henny Schipper sit mei in probleem en de buorman fan de Walbergen, Joris Akkerman, hat har tasein dat hy immen stjoere sil dy`t it probleem wol oplosse kin.  Dan komt Jacky Postma op it aljemint en wylst Roos, Gré en Henny alle trije tinke dat de frou foar harren kommen is, blykt dochs dat de foarke oars yn`e stâle sit.

Dekor:

Wenkeuken. Lange tafel mei stuollen om ta, of twa aparte tafels, links en rjochts op it toaniel. Oanrjocht. Gesellige sfear. Links en rjochts de yn en ôfgong. As der mei twa tafels wurke wurdt, dan kinne yn de fiifde sêne  ( moarnsmiel) de beide tafels tsjin elkoar oanskoot wurde, sadat de gasten oan ien tafel sitte kinne.