Boer siket fuottewarmer (Boer zoekt voetenwarmer)

It kroechje fan Jantsje en Piter smyt net genôch op, dêrom behimmelt Piter noch in stikmannich kij en wat jongfee. Alles yn it lytse kroechje giet sa syn gong, oant Simen, polysjeman, op it aljemint komt en de âlders fertelt wat harren dochter Fokje, op skoalle en jûns by it winkelsintrum, allegear útheeft. Beppe, lykas beppe`s dat dogge beskermet  har beppesizzer. Sels fynt Fokje, de dochter, dat it spannend en fet is, en de âldelju net sa eamelje moatte, de tiden binne feroare. It libben fan in boer is hurd se moatte fan moarns betiid oan jûns let bealgje en dan ha jin gjin tiid en puf om efter de froulju oan te sitten. Sa ek Oebele, mar syn kaartmaten, Jelke, boer en piratestjoerder, Ulbe de mollefanger en kroechbaas Piter en fansels Tryn , wolle him der wol by helpe. Tidens it kaarten, betinke se in plan om Oebele te stypjen om in frou te finen. Lang om let wurdt der beslist om in advertinsje yn`e krante te setten mei as titel:

“Boer siket in fuottewaarmer “.

Nei in amerij komt der reaksje op de advertinsje, as earste komt Bella op it aljemint. Se hat alles oer foar jild. En dan komt ek noch, Jeltsje, in sleau fanke, dy`t sa no en dan wat stammert, mar se hat wol in goed hert. En se is oan in man ta……mar wa hat de bêste papieren! It is in stik wêr`t jin om laitsje en gûle kinne.