De alfde maaie (de elfde mei)

Alfde maaie. Foar de measte minsken in gewoane datum. Foar de minsken dy`t yn it pensjon fan Emma sitte, hat of kriget dizze datum in spesjale betsjutting. Emma hat mei muoite seis nije leden foar har toanielklupke fine kinnen. Om elkoar better kennen te learen, hat se eltsenien foar in pear wiken yn har pensjontsje útnoege. Mei de bedoeling dêr de earste repetysjes te hâlden. Mar omdat der gjin passend stik fûn waard, besleat se ynstee dêrfan in ymprovisaasje – oefening te hâlden. It liket moai. Mar dan slûpe der neist alderlei ymprovisearjende ûnderwerpen ek ( emosjonele) privee saken de oefening binnen, dy in soad, sa net alles, mei de alfde maaie te krijen hawwe. Eveline, de dochter fan Emma waard tweintich jier lyn op de alfde maaie fermoarde. Nei it weromfinen fan kranteknipsels oer de moard kriget Emma it wer dreech en grypt nei de flesse. Davina hat sa’n tweintich jier lyn op de alfde maaie har âlders en suske troch in auto dy`t trochriedt ferlern. Ek sy sil dizze datum nea wer ferjitte. As jong famke stiet se op in krantefoto dy op it plak fan de moard op Evaline nommen waard. Basje brûkt dy foto as helpmiddel foar syn oefeningen. En omdat der yn de jierren nei de moard op Evaline noch seis famkes op de alfde maaie en op identike wize fermoarde waard, giet hy yn syn fantasij ( ymprovisaasje) sels sa fier, dat hy Davina as in potinsjele searjemoardner sjocht. Sanne fielt har net lokkich mei al dat gepraat oer de moarden. Se hat op de alfde maaie har jierdei en dy dei komt rêd tichterby. Yn Grins waard in rike âlde man fermoarde. Bram moat nei de notaris en sil dêr te hearren krije oft hy fan dy man miljoenen erve sil. Monika, syn jongere frou is yn gedachten al dwaande mei it útjaan fan it jild. Resjersjeur Joep, de eks fan Emma, ûndersiket yn`t geheim de moard op dy rike man. Mirjam liket net echt bliid te wêzen mei de oanwêzigens fan Bram? As Emma nei in pear dagen it gefoel kriget de oefening net mear ûnder kontrôle te hawwen docht se de evaluaasje in wike earder. Mar noch foar dat bart, wurdt de fantasij troch de realiteit ynhelle. Hokker rol spylje Sanne en Monika? Is de eangst foar de alfde maaie fan Sanne spile? Wêrom is Mirjam net bliid mei Bram? Kin Basje oantoane dat Davina in searjemoardner is? Kriget Bram in mijloenen erfenis?