In moord idee (een moord idee)

Sheila is allinnich foar it jild mei de folle âldere Iisbrand Donderstien troud. Se hat betocht him fermoardzje te ( litten) om dan as syn erfgenamt syn meubelfabryk ferkeapje te kinnen. Mei de opbringst wol se har trije fertutearze hotels restaurearje te litten. By Astrid waarden by de skieding troch Iisbrand twa regelingen troch har strôt treaun. In minimale alimintaasje en har dochter moast by him wenjen bliuwe. Dan wie hy ree alle stúdzjekosten, kleanjild, bûssinten ensf, fan harren dochter Pia foar syn rekken te nimmen. Sawol mem as dochter binne net lokkich mei de regeling. Sheila en Iisbrand hawwe in testamint opmakke wêryn se elkoar harren jild neilitte. Hoe kinne Astrid en Pia foarkomme dat al it jild nei Sheila giet? Harren simpele oplossing. Beide nei de oare wrâld helpe. Pia sit regelmjittich sûnder jild en freon Kobus lost dat op troch nachts ekonomysk winkeljen te gean. It guod wurdt ferkocht en sa komme se oan ekstra bûsjild. Kobus moat, as Pia wer ris útpoept is, it antike sulver fan har heit stelle. Dit mislearret omdat hy troch Sheila betrape wurdt. Se werkent him as de achttsjin jierrige jonge, dy`t se doe frijpleite hat by in trochrydt ûngemak. Se sjantearret him dêrmei en wol dat hy Iisbrand fermoardet. Sa net, jout se him as noch oan. Nei`t Astrid by Iisbrand om mear alimintaasje skoait, kriget se in telefoantsje dat har tige e yn`e war bringt. Efterôf blykt it fan Kornelis Donderstien ôfkomstich te wêzen. De ienaaiïge twillingbroer fan Iisbrand. Omdat Iisbrand net woe dat Kornelis de lieding fan it bedriuw krije soe hie hy, tweintich jier tebek, sifers sa ferfalske dat it like as oft syn broer in protte jild út de saak ûntfytmanne hie. De âlde Donderstien wiisde Kornelis sûnder neier ûndersyk de doar. En no, nei tweintich jier ôfwêzichheid, komt hy, fermomme as de simpele Diederik, yn it argyf de bewizen sykjen fan de falske aksje fan syn broer. Astrid komt derefter dat se in kokkinne sykje en fermomme as Bertha fan de Kei kriget se de baan. Se wit dat Iisbrand tige hecht is oan syn samling antyk sulver. En om him te treffen stelt se op in jûn dat sulver en ferdwynt mei Diederik ( Kornelis). Eltsenien yn riedsel efterlittend. Der is troch mem en dochter sa faak iepenlik oer moard praat dat se, as Sheila en Iisbrand yndied fermoarde wurde, se troch de frjemd aktearjende ynspekteur Sarah Ien fuort as de wichtichste fertochte sjoen wurde. Mar alles rint hiel oars en foar Pia en Astrid brekke, nettsjinsteande of tanksy de dûbele moard, bettere tiden oan.