In Searjemoard (Een seriemoord )

IT FERHAAL

Kommissaris Vredenhof is in echte plysjekommissaris; se kin spitigernôch net al te bêst tinke as se net yt [In Unbeskreaun Blêd / In saak fan Gewicht / In gast Tefolle]. Blykber hat se namme makke, want de kommersjele telefyzjestjoerder TP9 [Totale Prut 9] hat in detective- anneks itensiederssearje op har basearre: ‘MoardMenu’. Net echt heechsteand drama … mar it foldocht oan twa kommersjele easken; spanning en itensiede.

Yn dit stik komme wy earst yn ’e kunde mei de haadrolspilers by Moard-Menu; Hilde [aktrise – spilet kommissaris Bredebúk; dy’t inte is op kommissaris Vredenhof], Loes [aktrise – spilet it helpke fan kommissaris Bredebúk], Arend [akteur – spilet de ‘ivige-boef’], Elke [noch mar krekt aktrise – wol ambisjeus.], Peer [nichterige regisseur], Tiede [rokkejeiende producer] en Martine [skriuwster fan de searje].

Al gau meitsje wy mei wat sa de frustraasjes en swierrichheden op sa’n telefyzje-set wêze kinne. De ûnderlinge spanningen liede ta spannende en komyske situaasjes – wêryn wy iderien in bytsje kennen leare. As ek de frou fan Tiede [Willemyn – in hannelsgeast] ferskynt wurdt de konsternaasje noch grutter. Mar Willemyn hâldt fan gesellichheid – se makket in lekker hapke klear … Maxime giet tsjin ’e flakte.

De oare moarns falt pas de earste echte deade … en komme wy yn ’e kunde mei kommissaris Vredenhof. Se docht de studio op slot om’t se derfan útgiet dat de moardner ûnder harren is. Se hat gelyk. Der falle mear deaden. It wurdt der yn de ôfsletten studio net geselliger op. De liken steapelje harren op yn ’e montaazjekeamer, en wylst it oantal fertochten hieltyd minder wurdt liket de oplossing hieltyd fierder fuort.

Uteinlik … nei it lêste lyk[?] is it dúdlik wa‘t de SearjeMoard op syn gewisse hat.

In tige spannende, soms grimmitige, faak yntelliginte, altyd ferrassende en komyske thriller. It lêste optreden fan myn freondinne kommissaris Vredenhof.