It lit de pastoar kâld (Het laat de pastoor koud)

Koarte omskriuwing:

Pastoar de Bonte hat de biskop en syn Afrikaanske sustergemeente Bouli-Bouli om jildlike stipe frege, omdat syn parochy yn jild pine sit. Dit fanwege út`e hân rinnende kosten, wêrûnder bygelyks de rekken fan de pleatslike drankhannel. Om te sjen oft de parochy noch wol “libbensfetber “ is, stjoerd de biskop syn sekretaresse, dy`t him in posityf of negatyf advys jaan sil. Dizze noartske frou sit de pastoar hieltyd efter de fodden en as it oan har lei, waard de parochy fuortendalik opdûkt. Ek de taseine stipe út Bouli-Bouli pakt hielendal net út lykas de pastoar hope hie. Foardat hy it wit rinne der manlju mei pistoalen yn syn parochy, klinke der nachts de meast freeslik lûden, wurdt it rioel iepenbrutsen en besiket men him om te keapjen om de regels yn`e tsjerke, te oertreden. Wannear hy dan ek noch ris de skeve hoanne fan de tsjerktoer helje moat en de meast waansinnige ferhalen oanhearre moat yn de bychtstoel, wurdt it sels de meast betûfte pastoar it wol ris tefolle. Mar in net goed funksjonearjende pastoar soe fansels hielendal de deastek foar de parochy wêze. Om har baantsje behâlde te kinnen betinkt skjinmakster Wilma in rêdingsplan, wêryn se ek koster Kees meisleept. Dizze leau`t folslein net yn`e goede ôfrin fan dit dwylsinnige plan en moat as klapstik ek noch ris in houliksmis tusken in hottefyljende breid en breugeman ta in goed ein bringe. Koart sein: in gebed fol kolder mei in ferrassende ein…..wêrby it hiele publyk as figurant meispilet.

Dekor:

It poadium stelt it “Koar “ fan in tsjerke foar ( it diel wêr de pastoar syn mis opdraacht) De seal is it middenskip fan in tsjerke, mei it publyk as tsjerkegongers. It dekor op it poadium hat trije doarren (fan út it publyk besjoen) links in doar nei de pastorij, mids in doar nei bûten en rjochts in doar nei de sakristy.  Oan`e lofterkant stiet it buro fan de pastoar mei inkele stuollen om ta. Mids stiet it bychtmeubel mei twa “ yngongen “ links foar de pastoar en rjochts foar de bychtgonger. Dizze “ yngongen “ kinne troch gerdinen sletten wurde. Rjochtsfoar stiet it alter of de preekstoel. Pas op dat der ûnder of efter it buro en it alter of preekstoel immen ferstopje kinne. Fierder is it poadium en mooglik ek de seal fersierd mei tsjerklike ornaminten lykas kersen, krúsbylden, hilligebylden ensf. As jin dat wolle kin der mei de yndieling fan de doarren en meubels fansels skoot wurde.