Lit mar hingje

It rint sa as it rint, ek al rint it út de hân. Sa giet it al jierren mei it

kafee fan Oene en Anneke. Harren kafee yn de Pein begjint in âld

stofnêst te wurden en hat net in soad oanrin mear. De ienige klant

dy’t se noch hawwe dêr wurde se net ryk fan. Lolle fynt bier dat hy

om ‘e nocht kriget fierwei it lekkerste en hy hat dan ek noch nea in

reade sint betelle.Mar ja fan in keale hin kinne jo ek net plukke fansels.

Oene lit de moedfearen dan ek al hingje. Dochs komt der gâns wat flecht op ‘e koai. Earst

komt der in famke dy’t in keammerke hiere wol. Op it earste gesicht soenen jo sizze: Hjir

bestiet yn ‘e hiele wrâld gjin twadde fan, sa nuver en sa ûnnoazel. Mar wat kinne jo, jo dochs

yn minsken fersinne want sy blykt ek noch sa’n suske te hawwen. Jo hawwe it noch nea sa

frjemd sjoen. Apen kinne jo fan alles wol leare, mar dizze beide?? It wurd noch healwizer as

der in wat útdaagjend frommiske oer de flier komt. Sy blykt fertsjinwurdiger te wezen fan de

Unisex masine. De Unisex is spesjaal op ‘e merke brocht foar manlju, sadat dizzen de froulju

it wurk út hannen nimme kinne. De reek komt Oene en Lolle út de earen as se dit hearre.

Tsja dizze beide skiepen steane fansels ek al jierren te fretten fan it selde stikje lân. Dit lied

fansels ta in ûnmooglike situaasje, dat kinne je wol begripe. Mar ynienen stiet skoanmem nei

10 jier wer op ‘e stoepe. Se blykt in bekstik te wêzen, dy’t grutte heibel yn it kafee makket. Se

easket op koarte termyn fiiftûzend Euro werom foar in saneamde houliksreis mei har

Frânsman. Dit is in stumper dy’t folslein by har ûnder plak it sit. Mei de help fan linke Leo

(in echte hús, tún en keuken krimineel) besykje se skoanmem der ûnder te krijen mar dat

slagget fuort net. Drank, slieppillen, laksearmiddel, rolmopsen, neat skynt tsjin har te

wurkjen. Se moatte foarsichtich te wurk gean omdat plysje Walter Hibma regelmjittich

binnen rint, al hawwe se foar dy knoffelkont net sa folle te freezjen. Dochs binne se oan it ein

fan de rit dy âld fekke te snoad ôf mar hoe……………………

Jûnfoljend 5 manjlu – 5 froulju