Man oerboard (Man overboord)

GEARFETTING

Wolkom oan board fan ús cruiseskip ûnder lieding fan kapitein James. De kapitein is in leafhawwer fan de froulju. Syn soan Tobias wurket sûnt koart as matroas op it skip. Hy is leaver lui as wurch en wol de hiele dei game. Mar fanwegen it personielstekoart moat er no toch echt flink oan ’e bak.

De gasten stean te popeljen om oan board te kommen. Sa binne dêr Aaldert en syn poetsferslaafde frou Beate. Foar Aaldert is it in sakereis. Dolf, de eigner fan it bedriuw dêr’t Aaldert foar wurket, stiet op it punt om de saak oer te dragen oan Aaldert. Der hoege noch mar in pear hantekeningen set te wurden. As dan Shanaya de skjinmakster fan it bedriuw, sy is de mêtresse fan Aaldert, ek oan board blykt te wêzen, giet it yn heech tempo mis. Dolf mei der beslist net achter komme dat Aaldert in ferhâlding hat. Dan giet de oername net troch. En wat as Beate it oan ’e weet komt dat har man in ferhâlding hat? Aaldert krijt it flink foar de kiezzen en moat him yn allegearre bochten wringe om toch noch in hantekening op papier te krijen.

Dolf hat it op syn beurt ek net echt maklik. Hij wurdt slim ferlyfd op meipassazjier Annabel. Mar om no te sizzen dat de leafde fan twa kanten komt?

Dan is der ek noch de gesellige folkse Coby. Sy hat de cruise as priis wûn by de postkoadelotterij. Coby soarget foar in soad hilaryske situaasjes. Al hielendal as sy mei de bûnte jûn in wol hiel bysûndere act opfiere wol. De bûnte jûn wurdt organisearre troch Isabelle, it licht hystearyske haad entertainment oan board. Koartsein in soad yngrediïnten foar in jûntsje fol misferstannen, ferklaaierij, bûtenechtlike relaasjes en himmeljen! Laitsjen garandearre!