Net normaal (Verschrikkelijk normaal)

It ferhaal.

Ien kear yn it jier wurde de bewenners fan ‘Huize van Speykstraat’beoardiele. Om te besjen as se wer ‘normaal’binne en as se werom kinne nei de normale maatskippij. As it stik begjint wachtsje de bewenners yn spanning op de beoardieling. Foar de ien hat it libben allinnich noch mar doel as se ‘normaal’ ferklearre wurdt (Femmie), de oar is krekt deabenaud om werom te gean nei in libben sûnder de beskermjende muorren fan ‘Huize van Speykstraat’. Yn de tuskentiid is Bram wat oan it experimentearren mei selsmakke drugs. Om wat stoerder oer te kommen en om moed te sammeljen om Femmie syn leafde te ferklearren. Lisette sit graach yn in kuolkast om it libben te oertinken. Toos, sociotherapeute fan berop, is sûnt koart hiel lokkich. Se kriget in erfenis en hat einlings in man oan de heak slein (Stijn, berneboekeskriuwer mei boarsthier). Ans, de allinnichsteande buorfrou besiket mei bakken en brieden har fertriet te ûnderdrukken.

En dan binne de beoardielingen bekend. Fertriet en ûnwissichheid komme boppen driuwen. Femmie moat nochris beoardiele wurden troch in oare psychiater, dizze kear in frou (Caithlyn). Net alles ferrint sa as hope. Wol sjocht Lisette yn Caithlin har grutte leafde. Yntusken is it hûs njonken it tehûs ferkocht oan Daan, in mislearre gûcheler mei de namme “Magisch Brunsio”. Hy is tagelyk ek de eks fan de bakkende Ans. En, hy is net allinnich: fia ynternet hat er in Poalske breid ‘kocht’ mei de namme Kunegunda (mar we neame har Olga).

In flot, modern en hilarysk blijspul. In goed ferfolch op “Gewoan te gek”….

Opmerking
De skriuwer hat derfoar keazen om de ynkeap-breid in Poalske frou wêze te litten. Mar dit kin fansels feroare wurde. Yn it stik komme nochal wat Poalske wurden foar. Dit kin ek fonetysk útsprutsen wurde.