Pakke watst pakke kinst (Pakken wat je pakken kunt)

Sûnt Arno syn webshop neist bedriuwsklean ek yn eroatyske ferklaaiklean docht bloeit de firma goed en sjocht de takomst der hoopfol út. Lokkich mar want hy is thús altyd de ienige kostwinner west. Syn frou Linda is dus as húsfrou altyd finansjeel ôfhinklik fan him west. Dat is lêstich, grif no`t se yn`e oergong sit en it leafst by Arno wei gean wol om de blomkes ris knap bûten te setten. Arno dreamt fansels ek wol ris fan oare froulju mar hy kiest der dochs foar op syn relaasje spannend te hâlden. Syn eigen hanneltsje komt dêrby goed fan pas. Mar Linda fynt it dochs in saai libben, grif no`t de bern goed en wol de doar út binne. Hja hat wilens wol wat stikem fertier, mar dat stelt noch net folle foar. Hja kiest dochs fan needs foar de finansjele wissichheid fan har hjoeddeiske bestean. Dat feroaret as se berjocht kriget dat se fiif miljoen wûn hat yn in lotterij. It jout har de mooglikheid har wylde dreamen wier te meitsjen. It fielt foar har wol better om te soargjen dat Arno har ferlit ynstee oarsom. Hja betinkt sa slim as hja is in plan om dat foar elkoar te krijen. Wilens hat se om te begjinnen al in moaie jonge proai op it each; de nije postrinner. Fierders komme de bern noch wat parasitearjen en komme de fergrize buorren te pas en te ûnpas der yn. It wurdt, kin wy wolle sizze, in nuvere boel en it liket de measten allinnich noch mar om seks of om jild te gean. Of om allebeide fansels. De moraal fan dit ferhaal? Dy is der net. It is in pikante klucht foar en troch folwoeksenen. Der binne in pear “eroatyske “ kostúms foar nedich; ferpleechster, stewardess ( frou) en in postrinner ( man) . Fierder noch in normale polysjepak en in normale postrinner pak. It ferhaal spilet him ôf op in freed en saterdei yn de lette maitiid.

Dekor:
Gewoane húskeamer mei yn elts gefal in bank en in printinge fan it gesin oan`e muorre. Der is in koart iepen gankje mei de foardoar. In doar dy`t útkomt yn de sliepkeamer en trep. In doar nei de keuken en de efterdoar. Fierder nei eigen tinken.