Panyk yn ‘e sûnesklinyk (Paniek in de gezondheidskliniek)

Koarte ynhâld:
Kim wurket yn ’e sûnensklinyk fan har styfmem en jout har skarrel Puck in rûnlieding. Om’t se witte dat sy de leafde tusken itselde geslacht ûnakseptabel fynt, ha Kim en Puck wachte oant Audrey op sakereis gongen is. As sy dan te betiid thúskomt, reagearret Puck fuortdaliks en spilet fol oertsjûging Pauline Goeman. Ek Margot hat in geheim. Se hat in ferhâlding mei Esther, dy’t mei har yn in musical spilet. Se komt op in jûn thús mei Esther, dy’t har musicalkostúm noch oan hat. Audrey komt ek harren oer it mat. Esther reagearret ek fuortdaliks en sjongt en spilet Blonde Greet út De Jantjes. Ek dat hat Audrey net yn ’e gaten. Sûnt in pear wike wurket Henriëtte Storm as húshâldster yn ’e klinyk. Se hat in grut geheim. Margot en Kim hawwe it hieltyd mei Audrey oan ’e stôk en se prakkesearje der oer om fuort te gean. Mar oan ’e iene kant kinne se it wurk net misse en oan ’e oare kant hâldt ek de finansjele situaasje harren tsjin. Yn in joalige bui sizze se dat se Audrey it bêste mar fermoardzje kinne, om sadwaande gau jild te ervjen. Dêrneist betinke se ek noch in manier om harren grutte leafde de hiele dei by harren hawwe te kinnen. Puck wurdt yn de klinyk ûnderbrocht as Paul de Bok en Esther komt as iene Herr Jool aus Tirol en jout him út as in âlde bekende fan Margot. Audrey hat it al gau op Jool fersjoen, mar ûntdekt dan hoe’t de foarke yn ’e stôk sit en komt ta it beslút om it spultsje mei te spyljen. Henriëtte kin it net oansjen en grypt yn…

Stikeme lesbyske leafdes, hearlike dûbeldrollen en aardige dialogen soargje, nettsjinsteande in moard, foar in fleurige jûn.