Rappemoetings en manljusswit (Speeddate en mannenzweet)

Conny is eigeneresse fan moetings sintrum “De Lêste Kâns “. Spitigernôch hat it buro in soad lêst fan de hjoeddeiske moetings sintrums lykas Tinder. Dochs lit Conny de moedfearren net hingje. Hja besiket op ferskate wizen oan klanten te kommen. Sa organisearret se rappemoetings jûnen yn de kroech fan har freondinne. De jûnen wurde besocht troch de meast ferskate persoanen. Lykas bygelyks Roxanne en Angelique, mem en dochter mar wa fan de twa is der no eigentlik oant sykjen nei in fint. Of moetet Casandra in nymfomane dy`t it net sa nau nimt. Hja kin oan eltse finger wol in man krije mar by gebrek oan manlju is se ek net fiis fan in aventoerke mei in frou. Bist oant sykjen nei in wat rêstiger mokkeltsje dan is Wendy wol wat foar dy. In echte Fryske skoaljuffrou mei in hiele nuver laits. Sikest nei stoer? Dan bist by Cleo oan it goeie adres. Hja sûpt eltse fint samar ûnder de tafel. Dan hawwe wy it noch net iens hân oer Pien, Sien en Mien trije susters wêrst net omhinne kinst. Koart sein kar genôch foar de manlju. De froulju hawwe spitich net safolle kar. Der hawwe har mar fjouwer manlju ynskriuwe litten. En wat foar manlju. Remko, in postsegel sparjende suertsje. Tony in frouljusgek, hy hat noch nea in fêste relaasje hân. Tommie is de lêste fan it span, hy hat wol in hiel apart berop. Dêr moatst as frou ek mar nocht oan ha.

Wolle jimme witte hoe it giet mei dit stel; dan net stinne mar der hinne.