Roppe jo Mar (Roept u maar)

De trije susters Clemence (Clemmie) , Isolde (Sol), en Anna Donkersloot ha in hotel, Hotel
Litsberg. Clemence spilet foar manager dy ‘t de oaren it smarrige wurk opknappe lit. Anna is
fegetarysk en is foaral ferantwurdlik foar de keuken. Sol “fersoarget it yntrieur.” Clemence, dy ‘t
spyt hat fan in miste toanielkarriëre, jaget harren susters eltse kear wer yn it harnas troch har
heechhertich gedrach. Se dreamt fan har leafling-skriuwer Hein Alberts fan wa se in protte stikken
spile hat. Eins is sy fereale op him, sûnder dat sy him ea sjoen hat. De avances fan slachter
/sneldichter Alfred O ‘Willy wiist se ek bot fan ‘e han. Clemence ferwachtet in ynspekteur fan de
Belgyske Bûn Fan Toerisme. Se hat foar Hotel Litsberg nl. erkenning troch dat bûn oanfrege. As sy
dy erkenning kriget, hopet se op in grutte tarin fan Belgyske toeristen.
De moarn dat “Roppe jo mar“ begjint, komt in oantal nije gasten nei hotel Litsberg. Mar de
spanning tusken Clemence en de oare susters binne al sa heech oprûn dat Sol en Anna ûngebrûklike
metoaden te baat nimme om de ferhâldings yn de famylje wer te normalisearen.
Se spylje harren spul tsjin Clemence mei de nije gasten benammen as lijend foarwurp en driuwe
Clemence, dy ommers ynspeksje ferwachtet ta wanhoop. Fansels spilet Alfred O ‘Willy dy ‘t bern
oan hûs is, hjir ek syn rol yn.
De gasten binne Sybille La Belle, de Flaamske regisseuse fan suksessoaps. Se hat yn Hotel Litsberg
ôfpraat mei de toanielskriuwer Hein Alberts, alias Albert Heins, om oer in nij skript te praten.
Fierder is der Vicky Vapeur , de gehaaide , bretale free lance sjoernaliste fan it roddelblêd Hotel de
Botel. En dan is der noch Jeube de Beerpoot, in frjemde , asociaal oandwaande snúver.
Sy bringe it libben yn Hotel Litsberg yn in streamfersnelling en soargje mei syn allen, as slachtoffer
of as ûngewild bûnsmaat, foar in oantal ferrassende ûntknopings. Mar foar it safier is, hawwe der
sich al komyske situaasjes ôfspile wert by de persoanages harren sels soms behoarlik yn ‘e nêsten
wurke.
Sis it mar is eigentiidske komeedzje mei yntriges wer yn we ús eigen swaktes en idelheden
herkenne. It stik is fol feart skreaun , mei spitse dialogen, ferrassende draaiïngs en komyske
situaasjes. Foar Ferienings dy harren publyk graach ûnthelje op humoristysk toaniel fan nivo , is
Roppe jo mar sear oan te befelen. Foar de spilers hat eltse rol genôch body om der in pakkend typke
fan te meitsjen as in betrouber karakter, al nei gelang de ynstek fan ‘e rezjy.