Soms in goede dei (Soms een goede dag)

GEARFETTING

Sophia is siik, se hat MS*.  De sykte liket Sophia hieltyd mear yn ’e macht te krijen. Wylst it lichaamlik stadichoan minder giet liket Sophia ûnder te gean oan it feit dat se siik is. Stadichoan wurdt se hieltyd mear pasjint en hieltyd minder Sophia. Elkenien yn har omjouwing hat dêr lêst fan, mar ek Sophia hat hjirûnder te lijen. Op har ferlanglistje foar har jierdei stiet dan ek: ‘ik wol wer wat meimeitsje, ik wol wer wat fiele’. Oan de ein fan har jierdeifeestje beseft se hieltyd mear dat se allinnich noch mar siik wêze kin. Alex besiket har wat op te fleurjen, mar dat slagget net echt. As har suster [Gwen] weromkomt [har freondinne/partner Katja hat har op it feest efterlitten] wurdt it der net better op. It iepenlûken fan in folgjende flesse wyn liket de iennichste manier om te ûntsnappen, oant dochter Donja toch noch op it ‘feestje’ fan har mem ferskynt. Se hat har nije freon Barrie meinommen. Barrie is in frjemde fint dy’t fuortendaliks in saaklik foarstel foar Sophia hat; hy wol de loads fan de famylje hiere om dêr in wytplantaazje te begjinnen. [medisinale himp – foar de ‘sike minsken]. Nei wat drigeminten jout Sophia grien ljocht foar de wytplantaazje en krijt fjouwertûzen euro hier foar de earste moanne.

It simpele feit dat se wat yllegaals docht, en de drigeminten fan Barrie wjerstien hat, jout Sophia wer in sprankje libbenslust werom en se besiket wer tichter by Alex te kommen. Spitigernôch slagget dat net drekst. Alex is it net iens mei de plannen fan Barrie, freget mear hier en eindiget mei in pistoal op ’e holle en leafdesbrieven yn syn hân fan fiif jier lyn doe’t er in relaasje hie mei in ‘wylde Wendy’. Op de iene of oare manier liket Sophia ûnder de yndruk fan har man, en it sprankje libbenslust wurdt in flinke doasis.

Spitigernôch rint de relaasje tusken Sophia en Alex noch net hielendal sa ’t se hope hiene. Dan ûntdekt Alex dat der net in wytplantaazje mar in drugslab [crystal meth] yn de loads opset is. Barrie ûntdekt dat Alex dit wit en is bang dat hy of ien fan de oaren de plysje ynljochtsje sil. De spanning rint op. Gwen ropt de help fan har freondinne Katja yn – sy is ommers by de plysje – mar it liket derop dat krekt Katja [ek] in ferhâlding mei Barrie hat.

Sophia is bang, mar genietet ek fan ’e spanning. Yn alle gefallen makket se van alles mei, en fielt noch mear. En wie dat net wat der op har ferlanglistje stie?

Of it allegear goed komt? Jo sille it lêze moatte.