Sûnde fan de Susters (Zonde van de zusters)

Sûnde fan de Susters is it ferfolch op “Susters yn Saken “, mar stiet fierder op himsels. Kleaster Parc is in kleaster dat syn doarren iepensteld hat foar minsken dy`t foar in wike kunde meitsje wolle mei it “ rike katolike libben “. Binnen ien wike krije de gasten dan safolle en fûl mooglike “katolike ûnderfining”, ynklusyf wûnder, kleastertsiis en kleasterbier.
As it ferhaal begjint draaie de saken goed. Spitich is mem oerste ferjitten de belesting te beteljen, In tsjokke blauwe slúf makket dat kleaster Parc fuort yn swier finansjele waar sit. Der komt ek post fan Disney World Parys: hja wolle it idee fan in “katolike ferdivedaasjepark “, wol keapje. Dus dat komt moai út, mar spitich sil it kleaster sels dan slute moatte en wurde de susters ferbannen nei in folksbuert. Al mei al soarget dit derfoar dat mem oerste min sliept. Ek suster Francisca sliept min; hja sit yn de oergong en de hormoanen stowe troch har liif. Hja lit har each en hert falle op pastoar Breukelmans ( de autoriteit op it mêd fan miswyn en de bychtfaar fan de susters). Suster Rebecca is op`e hichte fan de finansjele soargen en besiket te helpen troch – tsjin betelling – de sjoernalist Boeyens wat akkefytsjes út it kleaster te ferklappen. It is net hielendal dúdlik wat Boeyens mei dizze akkefytsjes wol. Suster Klara fielt har net alhiel serieus nommen yn har rol as bedriuwshelpferliener en stoart har op de griente tún. Suster Agaath is benammen yn`e war en besoarge om Sint Juttemis. Hja is der fan oertsjûge dat Sint Juttemis bestiet en dat de hospitante Kunegunda ( in suster út Poalen en hja hat in blauwe habyt oan) it op dizze Sint Juttemis foarsjoen hat. Der falle klappen, der wurde printingen makke, suster Kunegunda is gjin suster en de relaasje tusken suster Francisca en pastoar Breukelmans nimme earnstige foarmen oan. Boeyens blykt gjin sjoernalist mar help biskop, Disney World stjoert alfêst frijkaartsjes en Sint Juttemis blykt te bestean en de kaaie te foarmjen foar it oplossen fan de finansjele tûkelteammen fan Kleaster Parc. Op it ein is de helpbiskop noch in probleem. Lokkich hat suster Agaath in idee en moat de pastoar noch efkes út de kast komme en in dûnske dwaan om de saken hielendal rûn te meitsjen.

In tige komyske ynsjoch yn it rike kleasterlibben mei in sterk en spannend plot. In suvere opfolger fan it bjusterbaarlike “ Susters yn Saken “.